ᐳᕙᓪᓗᓕᕈᑕᐅᖃᑦᑕᖅᑐᑦ ᒪᒥᓴᕈᑕᐅᕙᑦᑐᑦ ᐊᐅᓚᓂᖏᑦ ᖃᐅᔨᓴᖅᑎᕐᔪᐊᓃᙶᖅᑐᑦ

 ᓇᓗᓇᐃᔭᐃᒍᒪᓪᓗᑎᒃ ᓯᓂᑦᑐᒥᒃ ᐳᕙᓪᓗᓐᓇᕐᒥᒃ (LTBI) ᓱᑲᑦᑐᒥᒃ ᐃᑉᐱᒋᔭᐅᓂᖓᓂᒃ ᓇᓗᓇᐃᖅᓯᓗᑎᓪᓗ ᐃᓗᓕᖏᓐᓂᒃ ᐊᑦᑐᐊᔪᓄᑦ ᐊᐅᓚᔾᔭᒋᐊᖅᓯᒪᙱᑦᑐᓄᑦ ᐊᒻᒪᓗ ᐱᔭᕇᖅᓯᒪᙱᑦᑐᓄᑦ LTBI ᐃᓅᓕᓴᐅᑎᓂᒃ. ᑲᑎᖅᓱᖅᑕᐅᓯᒪᔪᑦ ᐱᔭᐅᓯᒪᔪᑦ ᐋᓐᓂᐊᕕᒻᒥ ᑎᑎᖅᑲᖁᑎᒋᔭᐅᔪᓂᒃ ᐋᓐᓂᐊᔪᓕᒫᓄᑦ ᐳᕙᓪᓗᒻᒪᖔᑕ ᐅᕕᓂᒃᑯᑦ ᖃᐅᔨᓴᖅᑕᐅᑦᓱᑎᒃ (TST) ᐊᑐᖅᑕᐅᑦᓱᑎᒃ ᐃᖃᓗᓐᓂ, ᓄᓇᕗᒻᒥ ᐊᑯᕐᖓᓐᓂ ᔮᓐᓄᐊᕆ 2012 ᐊᒻᒪᓗ ᒫᑦᓯ 2016. ᑲᓲᒪᓂᖏᑦ ᐃᓄᖃᐅᖅᑐᑦ ᐊᒻᒪᓗ ᐋᓐᓂᐊᕕᒻᒥᒃ ᐃᓗᓕᕆᔭᐅᔪᑦ ᐊᒻᒪᓗ ᑕᒪᕐᒥᒃ ᐊᐅᓚᔾᔭᒋᐊᕈᑎᖃᖅᓯᒪᙱᑦᑐᑦ ᐊᒻᒪᓗ ᐃᓅᓕᓴᐅᑎᓂᒃ ᐱᔭᕇᖅᓯᒪᙱᑦᑐᑦ ᓇᓗᓇᐃᖅᑕᐅᓯᒪᔪᑦ ᐊᑐᖅᓱᑎᒃ ᑎᑎᕋᖅᓯᒪᔪᓂᒃ ᐱᓕᖅᐸᓪᓕᐊᑐᐃᓐᓇᖅᑐᓂᒃ ᐊᐅᓚᓂᐅᔪᓂᒃ ᑲᓱᕐᓂᖃᖅᓱᑎᒃ ᐱᔭᐅᓯᒪᔪᑦ ᐊᒻᒪᓗ Poisson ᐊᐅᓚᓂᐅᔪᑦ ᐊᓚᒡᒐᐃᑦᑐᒻᒪᕆᓐᓂᒃ ᑕᒻᒪᕐᓂᖅᑕᖃᖅᓯᒪᑦᓱᓂ ᑲᓱᖅᓯᒪᙱᑐᐊᕐᒪᑕ.

ᖃᐅᔨᔭᐅᔪᑦ: ᑖᒃᑯᓇᙵᑦ 2303−ᓂᒃ ᐃᓅᓕᓴᖅᑕᐅᔪᓂᒃ ᖃᐅᔨᓴᖅᑕᐅᓯᒪᔪᓂ, 439 (19.1%) ᓇᓗᓇᐃᖅᑕᐅᓯᒪᔪᑦ LTBI−ᒧᑦ. ᐃᓅᓕᓴᐅᑏᑦ ᒪᓂᒪᑎᑕᐅᓯᒪᔪᑦ 328−ᓄᑦ ᐋᓐᓂᐊᔪᓄᑦ ᐊᐅᓚᔾᔭᒋᐊᕈᑕᐅᑦᓱᓂᓗ 246−ᓄᑦ (75.0%−ᖏᑦ ᒪᓂᒪᑎᑦᓯᕕᐅᓯᒪᔪᑦ) ᐱᔭᕇᖅᓱᑎᓪᓗ 186 (75.6%−ᖏᑦ ᐊᐅᓚᔾᔭᒋᐊᕈᑎᖃᖅᓯᒪᔪᑦ). ᖃᓄᐃᑦᑐᑐᐃᓐᓇᕐᓂᒃ ᕿᒥᕐᕈᓂᕐᒥ ᐊᔾᔨᒌᙱᑦᑐᓂ, ᐊᕐᕌᒍᖅᑯᖅᑐᓂᖅᓴᐃᑦ (ᐋᖅᑭᒋᐊᕐᓗᒍ ᐅᓗᕆᐊᓇᕐᓂᖓ [aRR] 1.17 ᐊᑐᓂᑦ ᐊᕐᕌᒍᓂ ᑕᓪᓕᒪᓂᒃ ᐊᒥᓱᙳᐹᓪᓕᕐᓂᐅᔪᓂ, 95%CI:1.09–1.26) ᐊᒻᒪᓗ ᐊᑑᑎᓂᖅ TST ᐱᔾᔪᑕᐅᓪᓗᓂ ᐃᖅᑲᓇᐃᔮᒧᑦ ᖃᐅᔨᓴᖅᑕᐅᔾᔪᑎᖃᕐᓂᖅ (aRR 1.63, 95%CI:1.00–2.65, ᕿᒥᕐᕈᖃᓯᐅᑎᑦᓱᒋᑦ ᐳᕙᓪᓗᓐᓇᕐᒧᑦ ᒪᓐᓂᑦᓯᐅᑎᓯᒪᔪᑦ) ᐊᑦᑐᐊᓯᒪᔪᑦ ᐊᐅᓚᔾᔭᒋᐊᕈᑎᖃᖅᓯᒪᙱᓂᕐᒧᑦ ᐃᓅᓕᓴᐅᑎᓂᒃ.

ᐊᕐᕌᒍᖅᑯᖅᑐᓂᖅᓴᐃᑦ (aRR 1.13, 95%CI: 1.03–1.17, ᐊᑐᓂᑦ ᐊᕐᕌᒍᓂ ᑕᓪᓕᒪᓂᒃ ᐊᒥᓱᙳᐹᓪᓕᖅᑐᑦ) ᐊᑦᑐᐊᓂᖃᖅᓯᒪᔪᑦ ᐱᔭᕇᖅᓯᒪᙱᒧᑦ ᐃᓅᓕᓴᐅᑎᓂᒃ.

ᐃᒪᐃᓕᖓᔪᖅ: ᐊᔾᔨᒐᓚᖓ ᐃᓅᓕᓴᐅᑎᓂᒃ ᐊᐅᓚᔾᔭᒋᐊᕈᑎᖃᕐᓂᖅ ᐊᒻᒪᓗ ᐊᒥᓲᓂᖅᓴᐃᑦ ᐱᔭᕇᖅᑐᑦ ᐃᓅᓕᓴᐅᑎᓂᒃ ᖃᐅᔨᔭᐅᓯᒪᔪᑦ ᕿᒥᕐᕈᖃᓯᐅᑎᑦᓱᒋᑦ ᓯᕗᕐᖓᓂ ᓄᐊᕐᖦ ᐊᒥᐊᕆᑲᒥ ᖃᐅᔨᓴᕐᓂᐅᓯᒪᔪᑦ. ᐊᐅᓚᔾᔭᒋᐊᕐᓂᐅᔪᑦ ᑐᕌᒐᖃᖅᓱᑎᒃ ᐊᕐᕌᒍᖅᑯᖅᑐᓂᖅᓴᓂᒃ ᐃᓄᓐᓂᒃ ᐊᒻᒪᓗ ᓇᓗᓇᐃᖅᑕᐅᔪᓂᒃ ᐃᖅᑲᓇᐃᔮᕐᒨᖓᔪᓄᑦ ᖃᐅᔨᓴᖅᑕᐅᓂᐅᔪᑦ ᐃᓱᒪᒋᔭᐅᑐᐃᓐᓇᕆᐊᓖᑦ ᐃᑲᔪᕈᑕᐅᒐᔭᕆᐊᖏᑦ ᐊᐅᓚᔾᔭᒋᐊᕈᑕᐅᓗᓂ ᐊᖏᓂᖅᐹᓂᒃ ᔭᒐᐃᔭᐅᕙᑦᑐᓂᒃ ᓱᑲᑦᑐᒥᒃ ᐃᑉᐱᒋᔭᐅᓂᕐᒨᖓᔪᓂᒃ.

ᐅᖃᐅᓯᓪᓗᐊᑕᐃᑦ: ᓯᓂᑦᑐᖅ ᐳᕙᓪᓗᓐᓇᖅ, ᓱᑲᑦᑐᒥᒃ ᐃᑉᐱᒋᔭᐅᓂᖅ, ᐅᑭᐅᖅᑕᖅᑐᖅ

The latent tuberculosis infection cascade of care in Iqaluit