3HP in Iqaluit - ᖃᐅᔨᓴᕐᓂᖅ ᖃᐅᔨᓴᖅᑎᕐᔪᐊᓃᙶᖅᑐᑦ

3HP ᖃᐅᔨᓴᕐᓂᖅ ᖃᐅᔨᓴᖅᑎᕐᔪᐊᓃᙶᖅᑐᑦ

ᐃᓗᓕᖏᑦ: ᐳᕙᓪᓗᓐᓇᖅᑐᖃᕐᓂᖅ ᐃᓄᐃᑦ ᐊᑯᕐᖓᓐᓂ ᖁᑦᓯᓂᖅᐸᐅᔪᖅ ᑲᓇᑕᒥ. ᐊᓚᒡᒋᑦᑐᒻᒪᕆᒻᒥᒃ ᓇᐃᓐᓂᖅᓴᐅᔪᖅ ᐳᕙᓪᓗᓐᓇᖅ LTBI−ᒧᑦ ᐃᓅᓕᓴᐅᑏᑦ rifapentine ᐊᒻᒪᓗ isoniazid−ᖃᖅᓱᓂ ᐱᓇᓱᐊᕈᓯᑕᒫᑦ ᐊᑕᐅᓯᐊᕆᐊᓖᑦ ᐱᓇᓱᐊᕈᓯᕐᓂᒃ 12−ᓂᒃ (3HP) ᒫᓐᓇ ᐊᑐᐃᓐᓇᐅᓕᖅᑐᖅ ᑭᓪᓕᖃᕐᕕᖃᖅᓱᑎᒃ ᑲᓇᑕᒥ. ᐊᐅᓚᓂᖏᑦ: ᓂᕆᐅᓐᓂᖃᖅᓱᑎᒃ ᒪᑐᐃᖓᔪᒥᒃ ᐊᕐᕌᒎᓐᓂᒃ ᒪᕐᕉᓐᓂᒃ ᖃᐅᔨᓴᕐᓂᖅᑕᓕᒥᓂᖅ ᐊᑐᖅᑕᐅᒋᐅᖅᓱᑎᒃ 3HP ᓯᕗᓪᓕᖅᐹᑦᓯᐊᒥ ᑲᓇᑕᒥ ᐃᖃᓗᓐᓂ ᑭᖑᕐᖓᒍᑦ ᐊᑐᖅᑕᐅᓕᖅᒥᑦᓱᓂ ᕿᑭᖅᑕᕐᔪᐊᕐᒥ, ᓄᓇᕗᒻᒥ. ᖃᐅᔨᔭᐅᔪᑦ: ᑲᑎᑦᓱᑎᒃ 247 ᐃᓄᐃᑦ ᒪᓂᒪᑎᑦᓯᕕᐅᓯᒪᔪᑦ 3HP, 102 ᐃᖃᓗᓐᓂ ᖃᐅᔨᓴᖅᑕᐅᔪᑦ ᐊᒻᒪᓗ 145 ᕿᑭᖅᑕᕐᔪᐊᕐᒥ. ᑭᓪᓕᓯᓂᐊᕐᓂᒃᑭᑯᑦ ᐊᓚᒡᒐᐃᓐᓂᖓ ᑎᑭᐅᑎᔭᐅᓯᒪᙱᒃᑲᓗᐊᖅᓱᓂ, ᐊᒥᓲᓂᖅᓴᐃᑦ ᐃᓅᓕᓴᐅᑎᑐᓯᔪᔪᑦ ᐱᔭᕇᖅᑐᒥᓃᑦ 3HP−ᑐᖅᑐᓂ (ᐃᖃᓗᐃᑦ, 60/73 (82.2%) ᐊᒻᒪᓗ ᕿᑭᖅᑕᕐᔪᐊᕐᒥ 89/115 (77.4%) ᐊᒻᒪᓗ ᐊᑑᑎᓯᒪᔪᓂ 9INHgroup (306/420 = 72.9%) (p = 0.2). ᐃᓘᓐᓇᒐᓚᑎᒃ ᐊᑲᐅᓈᙱᒍᑕᐅᓯᒪᔪᑦ

3HP−ᑐᖅᑐᓄᑦ ᐊᑦᑐᐊᓂᖃᖅᑐᑦ ᐊᑲᐃᓪᓕᐅᒐᓛᓐᓂᕐᒧᑦ ᑭᓯᐊᓂ ᐅᓚᕕᑕᐅᙱᒃᑲᓗᐊᖅᓱᑎᒃ ᐅᓪᓗᑕᒫᑦ ᐊᐅᓚᓂᕆᕙᑦᑕᖏᑦ. ᐃᒥᐊᓗᖃᑦᑕᖏᓐᓂᖅ ᐊᑦᑐᐊᓯᒪᔪᖅ ᐊᒥᓲᓂᖅᓴᓄᑦ 3HP−ᒥᒃ ᐱᔭᕇᖅᑐ (OR 13.33, 95% CI, 2.27-78.20) ᐱᓯᒪᙱᑦᑐᑦ ᐃᓚᒍᑦᓯᐅᑎᓯᒪᔪᓂᒃ ᐃᓅᓕᓴᐅᑎᓂᒃ (OR 7.19, 95% CI, 1.47-35.30). ᐃᒪᐃᓕᖓᔪᑦ: ᒫᓐᓇ ᖃᐅᔨᓴᕐᓂᐅᔪᖅ ᐃᑲᔪᖅᑐᖅᑐᖅ ᐊᒻᒪᓗ ᐊᑦᑕᓇᙱᑦᑑᓂᖓᓂᒃ 3HP ᐃᓅᓕᓴᐅᑎᐅᓗᓂ LTBI-ᒧᑦ ᓄᓇᕗᒻᒥ.

ᐅᖃᐅᓯᓪᓗᐊᑕᐃᑦ: ᐃᓄᐃᑦ, ᓯᓂᑦᑐᒥᒃ ᐳᕙᓪᓗᓐᓇᕐᒥᒃ ᐄᔭᒐᕈᑎᖃᕐᓂᖅ, ᐳᕙᓪᓗᓐᓇᖅ.