ᓄᓇᕗᒻᒥ, ᐳᕙᓪᓗᓚᑦᑖᓂᐅᖃᑦᑕᖅᑐᖅ ᖁᐱᕐᕈᕋᓛᖏᑦ ᐆᒪᔪᓂᒃ ᐃᓄᐃᑦ ᖁᑦᓯᓂᖅᐹᖑᐃᓐᓇᖅᑐᑦ ᑲᓇᑕᒥ. ᐆᒪᔪᓂᒃ ᖁᐱᕐᕈᕋᓛᓖᑦ ᐳᕙᓪᓗᓐᓇᖅ ᖃᓂᒻᒪᓯᖅᑖᖑᖃᑦᑕᖅᑐᖅ ᓂᐅᖅᑕᑕᑦᑎᓐᓂᒃ ᖃᐅᔨᔭᐅᒐᔪᒍᑎᒋᔭᖏᑦ ᖁᐃᖅᓱᖃᑦᑕᓂᒃᑯᑦ, ᓴᓗᑦᑎᓂᒃᑯᑦ, ᐅᓐᓄᐊᒃᑯᑦ ᐊᐅᒃᑲᓐᓂᖃᑦᑕᕐᓂᖅ, ᐊᒻᒪᓗ ᐆᑎᕐᓇᖃᑦᑕᓂᒃᑯᑦ. ᒪᒥᓴᖅᑕᐅᖏᑉᐸᑦ, ᐋᓐᓂᐊᑖᒻᒪᕆᒍᑕᐅᒍᓐᓇᖅᑐᖅ ᑐᖁᔾᔪᑕᐅᒻᒪᕆᓪᓗᓂᓘᓐᓃᑦ. ᑲᒪᒋᔭᐅᑉᐸᑦ ᕿᓚᒥᐅᔫᒥᔪᒃᑯᑦ ᐊᒻᒪᓗ ᐊᑐᕐᓂᓕᓐᓄᑦ ᒪᒥᓴᖅᑕᐅᑦᓯᐊᖅᐸᑦ ᖃᓄᐃᒍᓐᓃᐸᓪᓕᐊᒍᑕᐅᒍᓐᓇᖅᑐᖅ ᐋᓐᓂᐊᔪᒧᑦ, ᐊᒻᒪᓗ ᓇᒧᑐᐃᓐᓈᔭᕋᓐᖏᑉᐸᑦ ᓄᓇᓕᖕᓂ ᑲᑎᕝᕕᐅᖃᑦᑕᖅᑐᓄᑦ ᐋᓐᓂᐊᓇᖅᑐᖅ ᓴᖅᑭᖏᓐᓂᖅᓴᐅᒍᓐᓇᖅᑐᖅ ᓄᓇᖅᑲᑎᒌᓂᒃ.
2010 ᐳᕙᓪᓗᓐᓂᐅᓚᐅᖅᑐᑦ ᖃᐅᔨᓴᖅᑕᐅᓯᒪᓂᒃᑯᑦ:
ᓄᓇᕗᑦ- 304/100,000
ᑲᓇᑕ- 4.6/100,000
(ᐋᓐᓂᐊᖅᑐᓕᕆᔨᒃᑯᑦ ᑎᒥᖓᑦ ᑲᓇᑕᒥ (PHAC), ᐳᕙᓪᓗᓐᓂᖅ ᑲᓇᑕᒥ, 2010).
ᓱᓕᒃᑲᓐᓂᖅ, ᑲᓇᑕᒥ ᐃᓅᓕᖅᑐᒥᓃᑦ ᓄᓇᖃᖅᑳᖅᓯᒪᔪᑦ, ᐃᓄᐃᑦ ᖁᑦᓯᓂᖅᐹᒻᒪᕆᐊᓘᔪᑦ ᖃᐅᔨᓴᒐᐅᓯᒪᔪᓂ ᐳᕙᓪᓗᖃᑦᑕᖅᑐᓂ ᑲᓇᑕᓕᒫᒥ ᖃᐅᔨᔭᐅᓚᐅᖅᑐᑦ ᖃᐅᔨᓴᖅᑕᐅᓂᐅᓚᐅᖅᑐᒥ 2010:
ᐃᓄᐃᑦ – 198.6/100,000
ᐊᓪᓚᐃᑦ- 22.2/100,000
ᐊᓪᓚᖓᔪᑦ- 7.5/100,000
(ᐋᓐᓂᐊᖅᑐᓕᕆᔨᒃᑯᑦ ᑎᒥᖓᑦ ᑲᓇᑕᒥ (PHAC), ᐳᕙᓪᓗᓐᓂᖅ ᑲᓇᑕᒥ, 2010).
ᓄᓇᕗᑦ ᐊᔾᔨᒌᓐᖏᑐᒻᒪᕆᐅᔪᓂᒃ ᐳᕙᓪᓗᑦᑐᓄᑦ ᓴᐳᔾᔭᐅᓯᒪᔾᔪᑎᒃᓴᓂᒃ ᐋᖅᑮᓯᒪᕗᖅ ᐊᒻᒪᓗ ᐊᐅᓚᑦᓯᒍᑎᒃᓴᓂᒃ ᒪᓕᑦᓯᒪᔪᓂᒃ ᐳᕙᓪᓗᓐᓂᕐᒧᑦ ᐊᑐᖅᑕᐅᖃᑦᑕᓲᓂᒃ. ᐃᓗᓕᖏᑦ ᑖᒃᑯᐊ ᓇᓗᓇᐃᔭᖅᑕᐅᓯᒪᔪᑦ:
- ᐊᐅᓚᑦᓯᒍᑎᒃᓴᓕᐊᖑᓯᒪᔪᑦ ᐆᒪᔪᓂᒃ ᖁᐱᕐᕈᓕᖕᓄᑦ ᐳᕙᓪᓗᑦᑐᓄᑦ ᐋᓐᓂᐊᔪᑦ
- ᐅᐸᒃᑕᐅᖃᑦᑕᖅᓯᒪᔪᓂᒃ ᖃᐅᔨᓴᕐᓂᖅ ᐊᒻᒪᓗ ᓇᑭᑦ ᐱᒋᐊᕐᓂᕐᒪᖔᖅ ᐋᓐᓂᐊᓇᖅ ᖃᐅᔨᓴᖅᑕᐅᓂᖓ
- ᖃᐅᔨᓴᕐᓂᖅ ᓇᑭᓐᖔᖅᓯᒪᒻᒪᖔᖅ ᓱᖅᑯᐃᒪᓇᖅᑎᓐᓇᒍ ᐳᕙᓪᓗᑦᑐᑦ ᐊᐃᑦᑐᕐᓗᐃᒍᓐᓇᖅᑐᓂᒃ ᐊᒻᒪᓗ ᐆᒪᔪᓂᒃ ᖁᐱᕐᕈᓖᑦ ᐳᕙᓪᓗᓂᕐᒧᑦ ᐋᓐᓂᐊᔪᑦ
- ᖃᐅᔨᓴᕐᓂᖅ ᓱᖅᑯᐃᖅᑕᐅᓇᓱᐊᕐᓂᖓᓄᑦ ᐊᒻᒪᓗ ᖃᐅᔨᓴᕈᑎᒥᓃᑦ ᑲᑎᖅᓱᖅᑕᐅᓯᒪᔪᑦ ᖃᐅᔨᒋᐊᕐᕕᒃᓴᑦ ᐋᖅᑭᑦᑕᐅᓯᒪᓂᖏᑦ
- ᐋᓐᓂᐊᕐᕖᑦ ᖃᐅᔨᓴᕐᕕᖏᓐᓂ ᖃᐅᔨᓴᕐᓂᐅᔪᑦ ᐊᐅᓚᒍᓐᓇᖅᑕᖏᑦ
- ᐃᓕᓐᓂᐊᖅᑕᐅᓂᖏᑦ ᐱᓕᒻᒪᒃᓴᖅᑎᑕᐅᓂᖏᓪᓗ ᐃᖢᐊᖅᓴᐃᔩᑦ ᐊᔪᓐᖏᑐᕐᔪᐊᑦ
- ᓄᓇᓕᖕᓃᑦᑐᑦ ᐅᔾᔨᕈᓱᑦᑎᑕᐅᒋᐊᖅᓯᒪᓂᖏᑦ
- ᖃᐅᔨᓴᕐᓂᖅ ᓱᖅᑯᐃᖅᓯᓇᓱᐊᕐᓂᕐᓗ
- ᖃᐅᔨᓴᒐᐅᔪᑦ ᖁᑦᓯᓂᖅᐸᐅᔪᓃᑦᑐᑦ-ᐊᐃᑦᑐᓗᑦᑕᐅᑐᐃᓐᓇᕆᐊᓖᑦ
