ᒪᒃᑯᑦᑐᓄᑦᕝᓯᕗᓕᖅᑕᐅᔪᖅ ᐳᕙᓪᓗᓂᕐᒧᑦ ᐅᔾᔨᖅᑑᑎᒃᓴᑦ ᖃᐅᔨᓴᖅᑎᕐᔪᐊᓃᙶᖅᑐᑦ
ᐃᓗᓕᖏᑦ: ᐃᓄᐃᑦ ᑲᓇᑕᒥ ᖁᑦᓯᓂᖅᐹᓂᒃ ᐅᖃᐅᓯᐅᓯᒪᔪᑦ ᐳᕙᓪᓗᓐᓇᖅᑐᖃᕆᐊᖏᑦ ᑲᓇᑕᒥ, ᖁᑦᓯᓂᖅᓴᐅᑦᓱᑎᒃ ᐊᓪᓛᑦ ᑲᓇᑕᒥ ᐊᓯᖏᓐᓂᒃ ᓄᓇᖃᖅᑳᖅᓯᒪᔫᔪᓂᒃ. ᑐᕌᖅᑕᐅᔪᖅ ᐆᒧᖓ ᖃᐅᔨᓴᕐᓂᕐᒧᑦ ᐳᕙᓪᓗᓐᓇᖅ ᐅᔾᔨᕆᔭᐅᒃᑲᓐᓂᖁᑦᓱᒍ ᐃᓄᓐᓄᑦ ᒪᒃᑯᑦᑐᓄᑦ ᐊᒻᒪᓗ ᓄᓇᓕᖏᓐᓄᑦ ᖃᐅᔨᒪᑎᓪᓗᒋᓪᓗ ᑐᓴᖅᑎᑦᓯᒍᓐᓇᓂᖅᐸᐅᔪᑦ ᐃᓄᓐᓂᒃ ᓄᓇᓕᓐᓂᒃ ᑐᙵᕕᖃᕐᓗᑎᒃ, ᒪᒃᑯᑦᑐᓂᒃ ᑐᕌᖅᑕᖃᕐᓗᑎᒃ, ᐃᓕᓐᓂᐊᑎᑦᓯᓂᕐᒧᑦ ᐊᐅᓚᔾᔭᒋᐊᕈᑎ ᐱᕈᖅᐸᓪᓕᐊᑦᓱᓂ ᐅᓚᕕᒋᐊᕐᓂᐅᔪᓄᑦ ᐃᕕᖅᑎᖅᑎᑕᐅᓯᒪᔪᓄᑦ ᓯᕗᕐᖓᓂ ᐳᕙᓪᓗᓐᓂᕐᒥᒃ ᐅᔾᔨᖅᑐᕐᓂᕐᒥᒃ ᖃᐅᔨᓴᕐᓂᐅᓯᒪᔪᒥᒃ. ᐊᐅᓚᓂᐅᔪᑦ: ᑕᐃᒪ ᐳᕙᓪᓗᓐᓇᖅ ᒪᒃᑯᑦᑐᓂᒃ ᐃᓕᓐᓂᐊᑎᑦᓯᓂᕐᒧᑦ ᐊᐅᓚᔾᔭᒋᐊᕈᑎ ᐆᑦᑐᕋᐅᑕᐅᓯᒪᔪᖅ ᖃᐅᔨᓴᕐᓂᐅᑦᓱᓂ ᖃᐅᔨᒪᓂᕐᒥᒃ ᐊᐅᓪᓛᑎᑦᓯᓂᕐᒥᒃ ᐅᐸᓗᖓᐃᔭᐅᑎ ᑐᕌᖅᑕᖃᖅᓱᑎᒃ ᓄᓇᓕᓕᓐᓂᒃ ᐋᓐᓂᐊᖅᑐᓕᕆᓂᕐᒥᒃ ᐃᓕᓐᓂᐊᑎᑦᓯᕙᑦᑐᓂᒃ ᑖᒃᑯᓇᓂ ᓄᓇᓕᓐᓂ. ᓯᕗᓪᓕᖅᐹᒥ ᐊᐅᓚᓂᖓᓂ ᑖᑦᓱᒪ ᐃᓕᓐᓂᐊᕐᓂᐅᑉ, ᐊᐅᓚᔾᔭᒋᐊᕈᑎᖃᕐᓃᑦ ᐊᖏᓂᖅᓴᓂᒃ ᐳᕙᓪᓗᓐᓇᕐᒥᒃ ᐅᔾᔨᕈᓱᑦᑎᑦᓯᓂᐅᔪᓂᒃ ᐃᕕᖅᑎᖅᑎᑕᐅᓯᒪᔪᑦ ᑐᕌᖅᑕᐅᑦᓱᑎᒃ ᒪᒃᑯᑦᑐᑦ ᓄᓇᖃᖅᑐᑦ ᐅᖓᓯᑦᑐᒥ ᐅᑭᐅᖅᑕᖅᑐᖓᓂ ᑲᓇᑕᐅᑉ. ᐊᐃᑉᐸᖓᓂ ᐊᐅᓚᓂᖓᑕ ᖃᐅᔨᓴᕐᓂᐅᑉ, ᖃᐅᔨᓴᖅᑏᑦ ᐆᑦᑐᕋᖅᓯᒪᔪᑦ ᐊᐅᓚᔾᔭᒋᐊᕈᑎᒥᒃ ᒪᕐᕉᓐᓂ ᐃᓄᓐᓄᑦ ᓄᓇᓕᐅᔫᓐᓂ. ᐊᑐᖅᑕᐅᓕᖅᓱᓂ ᓄᓇᓕᓐᓂ ᐊᑐᓕᖅᑎᑦᓯᔨᓄᑦ ᒪᕐᕉᓐᓂ ᓄᓇᓖᓐᓂ. ᕿᒥᕐᕈᓂᕐᒧᑦ ᐃᓗᓕᕆᔭᐅᔪᑦ ᐱᖃᓯᐅᔾᔨᔪᑦ ᑲᔪᓯᒍᓐᓇᕐᓂᖓᓂᒃ, ᐊᖏᖅᑕᐅᓯᒪᓂᖓᓂᒃ, ᖃᐅᔨᒪᓕᖅᐸᓪᓕᐊᓂᖅ ᐊᒻᒪᓗ ᐋᓐᓂᐊᕐᓂᕐᒨᖓᔪᑦ ᐱᐅᓯᐅᔪᑦ ᐊᓯᔾᔨᕐᓗᓂ. ᖃᐅᔨᔭᐅᔪᑦ: ᐊᑐᓕᖅᑎᑦᓯᓂᖅ ᐃᕕᖅᑎᖅᓯᒪᔪᖅ ᐊᐅᓚᔾᔭᒋᐊᕈᑎᓂᒃ ᐊᓚᒃᑲᐃᓯᒪᔪᑦ ᐃᓚᐅᑎᓂᖏᓐᓂᒃ ᑲᑎᑦᓱᑎᒃ 41 ᒪᒃᑯᑦᑐᑦ (19 ᐊᕐᓇᐃᑦ, 22 ᐊᖑᑏᑦ) ᐊᕐᕌᒍᖃᕋᔪᑦᓱᑎᒃ 16−ᓂᒃ (12-21 ᐊᑯᕐᖓᓐᓂ ᐊᕐᕌᒍᓖᑦ) ᓯᑕᒪᓂ ᓄᓇᓕᓐᓂ ᐊᔾᔨᒌᙱᑦᑐᓂ ᓄᓇᕗᒻᒥ. ᓄᓇᓕᓐᓂ ᓇᓕᐅᓂᖅᓯᐅᕐᓃᑦ ᐅᐸᑦᑕᐅᔪᔪᑦ 271−ᓄᑦ ᓄᓇᓕᓕᓐᓄᑦ ᐳᕙᓪᓗᓐᓇᕐᒨᖓᔪᓂᒃ ᑐᓴᖅᑎᑕᐅᑦᓱᑎᒃ ᐅᖃᖃᑎᒌᒍᑎᖃᖅᓱᑎᓪᓗ. ᐋᓐᓂᐊᖅᑐᓕᕆᔨᓕᓕᒫᑦ ᓄᓇᓕᓖᓪᓗ ᑐᑭᓯᓂᐊᖅᑕᐅᔪ ᐅᖃᖅᓯᒪᔪᑦ ᐃᕕᖅᑎᖅᓯᒪᔪᑦ ᐊᐅᓚᔾᔭᒋᐊᕈᑕᐅᔪᑦ ᓈᒻᒪᒋᐊᖏᑦ ᐊᑑᑎᖃᕆᐊᖏᓪᓗ ᐃᓕᓐᓂᐊᕈᑎᒋᓗᒋᑦ. ᖃᐅᔨᒪᓂᖃᒃᑲᓐᓂᕐᓂᕐᒥᒃ ᑕᑯᑦᓴᐅᑎᑦᓯᔪᑦ ᐳᕙᓪᓗᓐᓇᕐᒨᖓᔪᓂᒃ ᓈᓴᐅᑎᑖᕋᔪᔪᔪᑦ 64-ᓂᒃ ᑖᒃᑯᓇᙵᑦ 100−ᓂᒃ. ᓄᓇᓕᓐᓂ ᑲᑐᔾᔨᖃᑕᐅᔪᑦ ᐃᓘᓐᓇᖏᓐᓂᒃ ᓯᑕᒪᓂ ᓄᓇᓕᓐᓂ ᓇᓗᓇᐃᖅᓯᔪᑦ ᐊᑐᕋᔭᕐᓂᕋᖅᓱᑎᒃ ᑕᐃᒪ ᐳᕙᓪᓗᓐᓇᕐᒥᒃ ᒪᒃᑯᑦᑐᓂᒃ ᐃᓕᓐᓂᐊᑎᑦᓯᓂᕐᒥᒃ ᐊᐅᓚᔾᔭᐃᒋᐊᒃᑲᓐᓂᕐᓗᑎᒃ ᐅᔾᔨᕆᔭᐅᑎᒋᐊᕐᓗᒍ ᐳᕙᓪᓗᓐᓇᖅ ᐊᑯᕐᖓᓐᓂ ᒪᒃᑯᑦᑐᑦ ᓄᓇᓕᖏᓐᓂ. ᐃᒪᐃᓕᖓᔪᑦ: ᐳᕙᓪᓗᓐᓇᕐᒥᒃ ᐅᔾᔨᕈᓱᑦᑎᑦᓯᓂᕐᒧᑦ ᐊᐅᓚᔾᔭᒋᐊᕈᑏᑦ ᐃᕕᖅᑎᖅᑎᑕᐅᓯᒪᔪᑦ ᑕᐃᒪ ᐳᕙᓪᓗᓐᓇᖅ ᒪᒃᑯᑦᑐᓂᒃ ᐃᓕᓐᓂᐊᑎᑦᓯᓂᕐᒧᑦ ᐊᐅᓚᔾᔭᒋᐊᕈᑎᓂ ᓈᒻᒪᒋᔭᐅᔪᑦ ᐃᓄᓐᓄᑦ ᓄᓇᓕᐅᔪᓄᑦ ᐃᓚᒋᔭᐅᓯᒪᔪᓄᑦ ᖃᐅᔨᓴᕐᓂᕐᒧᑦ. ᖃᐅᔨᒪᓂᖅᑖᔪᔪᑦ ᐃᓚᐅᖃᑕᐅᔪᑦ. ᐊᑐᓕᖅᑎᑕᐅᓂᖏᑦ ᓄᓇᓕᓐᓂ ᐊᑐᓕᖅᑎᓯᖃᑎᒌᑦᑐᓄᑦ ᑲᔪᓯᓂᖃᑦᓯᐊᔪᔪᖅ ᑕᑯᑦᓴᐅᑎᑕᐅᑦᓱᓂᓗ ᐃᓚᐅᑎᓐᓂᖏᑦᑎᒍᑦ ᓇᔫᑎᓂᖏᑦᑎᒍᓪᓗ ᒪᒃᑯᑦᑐᑦ ᓄᓇᓕᓖᓪᓗ ᓄᓇᓕᓕᒫᓂ. ᐊᑐᓕᖅᑎᑦᓯᒍᓐᓇᕐᓂᖅ ᐊᐅᓚᔾᔭᒋᐊᕈᑎᓂᒃ ᓄᓇᓕᓐᓂ ᐊᑐᓕᖅᑎᑦᓯᔨᓄᑦ ᑕᑯᑦᓴᐅᑎᑦᓯᔪᖅ ᐊᑑᑎᒍᓐᓇᕆᐊᖓ ᐊᓯᖏᓐᓂ ᐅᖓᓯᑦᑐᒥ ᓄᓇᓕᓕᓐᓂ ᐅᑭᐅᖅᑕᖅᑐᒥ.
