ᒪᒃᑯᑦᑐᓄᑦᕝᓯᕗᓕᖅᑕᐅᔪᖅ ᐳᕙᓪᓗᓂᕐᒧᑦ ᐅᔾᔨᖅᑑᑎᒃᓴᑦ ᖃᐅᔨᓴᖅᑎᕐᔪᐊᓃᙶᖅᑐᑦ ᓇᐃᓈᖅᓯᒪᔪᖅ

ᐃᓄᐃᑦ ᐊᒥᓲᓂᖅᐸᐅᑦᓱᑎᒃ ᐳᕙᓪᓗᓕᖃᑦᑕᖅᑐᑦ ᐊᑦᑐᐊᑦᓱᑎᒃ ᐃᓄᖏᓐᓄᑦ ᐊᓯᓕᒫᖏᑦ ᐃᓅᖃᑎᒌᑦᑐᑦ ᑕᑯᓐᓇᖅᓱᒋᑦ ᑲᓇᑕᒥ. ᐅᓇ ᖃᐅᔨᓴᕐᓂᖅ ᑐᕌᖅᑕᖃᖅᑐᖅ ᐳᕙᓪᓗᓐᓇᖅ ᐅᔾᔨᕆᔭᐅᒋᐊᒃᑲᓐᓂᖁᓪᓗᒍ ᐊᑯᕐᖓᓐᓂ ᐃᓄᐃᑦ ᒪᒃᑯᑦᑐᑦ ᓄᓇᓕᖏᑦᑕᓗ. ᑕᐃᒪ ᐳᕙᓪᓗᓐᓇᖅ ᒪᒃᑯᑦᑐᓂᒃ ᐃᓕᓐᓂᐊᑎᑦᓯᓂᕐᒧᑦ ᐊᐅᓚᔾᔭᒋᐊᕈᑎ ᐊᑐᖅᓯᒪᔪᖅ ᑐᓴᖅᓯᒪᔭᑦᑎᓐᓂᒃ ᐊᖏᓂᖅᓴᒥᒃ ᖃᐅᔨᓴᕐᓂᖃᖅᓱᑕ ᓴᓇᕙᓪᓕᐊᑦᓱᑕᓗ ᐃᓕᓐᓂᐊᑎᑦᓯᒍᑎᑦᓴᓂᒃ ᐳᕙᓪᓗᓐᓇᕐᒨᖓᔪᓂᒃ ᑐᕌᖅᑎᓕᖅᓱᒋᑦ ᐃᓄᓐᓄᑦ ᒪᒃᑯᑦᑐᓄᑦ. ᑖᒃᑯᐊ ᐃᓕᓐᓂᐊᑎᑦᓯᒍᑏᑦ ᐱᓯᔪᔭᕗᑦ ᐋᖅᑭᒋᐊᖅᑕᐅᓯᒪᓕᖅᑎᓪᓗᒋᑦ ᒪᒃᑯᑦᑐᓄᑦ ᑐᓂᓯᒪᑦᓱᒋᑦ ᒪᒃᑯᑦᑐᓄᑦ ᑲᖏᖅᑐᒑᐱᒻᒥ ᐸᓐᓂᖅᑑᕐᒥᓗ. ᐊᐅᓚᓂᐅᔪᖅ ᐊᑑᑎᔪᒻᒥᔪᖅ ᒪᕐᕈᑲᓐᓃᓐᓂ ᓄᓇᓖᓐᓂ. 41 ᒪᒃᑯᑦᑐᑦ ᐃᓚᐅᖃᑕᐅᓯᒪᔪᑦ, ᐊᕐᕌᒍᖃᕋᔪᑦᓱᑎᒃ 16 ᒥᑦᓵᓂ ᓯᑕᒪᓂ ᓄᓇᓕᓐᓂ ᐊᔾᔨᒌᙱᑦᑐᓂ. ᓄᓇᓕᓐᓂᓗ ᓇᓪᓕᐅᓂᖅᓯᐅᕐᓂᖃᖅᓱᑎᒃ ᐃᑉᐱᒋᔭᐅᖁᓪᓗᒍ ᐃᓕᓐᓂᐊᖅᓯᒪᓂᖓᑦ ᒪᒃᑯᑦᑐᑦ ᓇᔫᑎᓯᒪᔪᑦ 271 ᓇᔫᑎᔪᔪᑦ. ᐋᓐᓂᐊᖅᑐᓕᕆᔨᒃᑯᑦ ᐃᓱᒪᖃᖅᓯᒪᔪᑦ ᐋᖅᑭᒋᐊᖅᓯᒪᔪᑦ ᐃᓕᓐᓂᐊᑎᑦᓯᒍᑏᑦ ᓈᒻᒪᒋᐊᖏᑦ ᐊᑑᑎᖃᕆᐊᖏᓪᓗ. ᖃᐅᔨᒪᓂᖅᑖᒃᑲᓐᓂᔪᔪᑦ ᑖᒃᑯᐊ 64 ᑖᒃᑯᓇᙵᑦ 100−ᓂᒃ. ᓄᓇᓕᓐᓂ ᑲᑐᔾᔨᖃᑕᐅᔪ ᐅᖃᖅᓯᒪᔪᑦ ᐃᓕᓐᓂᐊᑎᑦᓯᒍᑎᒋᓛᕐᓂᕋᖅᓱᒋᑦ ᓯᕗᓂᑦᑎᓐᓂ.