ᐊᑭᑐᓗᐊᖏᓂᖅᓴᐅᒍᑎᒃᓴᑦ 3HP ᖃᐅᔨᓴᖅᑎᕐᔪᐊᓃᙶᖅᑐᑦ ᓇᐃᓈᖅᓯᒪᔪᑦ

ᑕᕝᕙᓂ ᖃᐅᔨᓴᕐᓂᕐᒥ ᖃᐅᔨᓴᖅᓯᒪᔪᑦ ᐊᑭᑐᓗᐊᙱᑦᑑᒍᓐᓇᕐᓂᖓᓂᒃ 3HP ᐃᓅᓕᓴᐅᑎᐅᓗᓂ ᓯᓂᑦᑐᒥᒃ ᐳᕙᓪᓗᓐᓇᕐᒥᒃ LTBI. 3HP ᐃᓗᓕᖃᖅᑐᖅ ᒪᕐᕉᓐᓂᒃ ᐄᔭᒑᓐᓂᒃ − rifapentine ᐊᒻᒪᓗ isoniazid – ᐄᔭᐅᕙᑦᓱᓂ ᐊᑕᐅᓯᐊᖅᓱᓂ ᐱᓇᓱᐊᕈᓯᑕᒫᑦ ᐱᓇᓱᐊᕈᓯᕐᓄᑦ 12−ᓄᑦ. ᑕᒪᓐᓇ ᖃᐅᔨᓯᒪᔭᕗᑦ ᕿᒥᕐᕈᑦᓱᑕ ᐊᑭᑐᓗᐊᙱᑦᑑᒍᓐᓇᕐᓂᖓᓂᒃ ᓄᓇᓕᓐᓂ ᐊᑐᖅᑕᐅᓗᑎᒃ ᓯᓂᑦᑐᒧᑦ ᐳᕙᓪᓗᓐᓇᕐᒧᑦ ᐃᓅᓕᓴᐃᒍᑕᐅᓗᑎᒃ ᓈᓴᐅᑎᓂᒃ ᐊᑐᖅᓱᑕ. ᓴᖅᑮᓯᒪᔪᒍᑦ ᐊᐅᓚᓂᐅᔪᒥᒃ ᐱᒋᐊᖅᑎᑦᓯᓯᒪᔪᒥᒃ 3HP−ᒥᒃ ᐋᓐᓂᐊᔪᓄᑦ (ᐅᓂᑦᓯᒪᙱᑦᑐᓄᑦ) LTBI−ᓕᓐᓄᑦ. ᕿᒥᕐᕈᖃᓯᐅᑎᓯᒪᔪᒍᖏᑦ ᐊᑭᑐᓗᐊᙱᑦᑑᒍᓐᓇᓂᖓᓂᒃ 3HP ᒫᓐᓇ ᑲᒪᓂᐅᕙᑦᑐᓄᑦ ᐊᕕᑦᑐᖅᓯᒪᓂᕐᒥ; 9 ᑕᖅᑮᖅ ᒪᕐᕈᐊᖅᑎᖅᓱᑎᒃ ᐄᓯᖃᑦᑕᖅᓯᒪᔪᑦ isoniazid (9H) ᐄᓯᑎᑕᐅᕙᑦᓱᑎᒃ ᑕᑯᓐᓈᖅᑕᐅᑦᓱᑎᒃ. ᖃᐅᔨᓴᖅᓱᒍ ᐊᑑᑎᖃᕐᓂᖓ, ᖃᐅᔨᓴᖃᑦᑕᖅᓯᒪᔪᒍᑦ ᐃᓅᓯᕆᔭᐅᔪᓂᒃ (ᐊᑲᕐᕆᔮᕐᓂᖅᓴᐅᓕᖅᓱᑎᒃ ᐋᖅᑭᒋᐊᖅᓯᒪᔪᑦ ᐃᓅᓂᖏᑦ ᐊᕐᕌᒍᐃᑦ (QALYs) ᐊᑐᖅᓱᑕᓗ ᑐᓴᕋᑦᓴᓂᒃ ᓄᐊᖃᑦᑕᖅᓯᒪᔭᑦᑎᓐᓂᒃ ᖃᐅᔨᓴᕐᓂᖃᖅᓱᑕ ᐃᖃᓗᓐᓂ ᖃᑦᓯᑦ ᐃᓄᐃᑦ ᐱᒋᐊᖃᑦᑕᕐᒪᖔᑕ ᐱᔭᕇᖅᐸᑦᓱᑎᓪᓗ ᐃᓅᓕᓴᐅᑎᓂᒃ. ᐊᑭᒋᔭᐅᔪᑦ ᖃᐅᔨᓴᖅᑕᐅᓯᒪᔪᑦ 2019−ᒥ ᒥᐊᓕᒐᐃᑦ ᑮᓇᐅᔭᖏᑦ ᐊᑐᖅᓱᒋᑦ, ᐱᔭᐅᓯᒪᓪᓗᐊᑕᖅᓱᑎᒃ ᐊᑭᒋᔭᐅᔪᑦ ᐃᖃᓗᓐᓂᒃ.

ᐃᓱᒪᒋᖃᓯᐅᑎᓯᒪᔭᕗᑦ ᐊᑭᒋᔭᐅᔪᑦ ᑕᑯᓐᓈᖅᑕᐅᓂᖏᑦᑎᒍ ᓄᓇᕗᒻᒥ ᐋᓐᓂᐊᖅᑐᓕᕆᔨᒃᑯᑦ ᐊᐅᓚᓂᖓᒍᑦ. ᐊᐃᑉᐸᐃᖏᑦ ᐋᓐᓂᐊᖅᑐᓕᕆᓂᕐᒨᖓᔪᑦ ᐃᓚᒍᑦᓯᐅᑎᓯᒪᔪᑦ ᓇᓚᐅᑦᓵᖅᑕᐅᓯᒪᔪᑦ ᐳᕙᓪᓗᑦᑐᑦ ᐊᒻᒪᓗ ᐳᕙᓪᓗᓐᓇᕐᒧᑦ ᐃᓅᒍᓐᓃᕋᔭᖅᑐᑦ ᑲᔪᓯᖃᑦᑕᖅᓯᒪᙱᓐᓂᖏᑦ ᐊᑐᖅᑐᑦ 3HP−ᒥᒃ 9H-ᒥᐅᙱᑦᑐᖅ.

ᐃᓗᓕᓕᒫᖏᑦ ᐃᓱᒪᒋᔭᐅᑦᓱᑎᒃ, ᖃᐅᔨᓯᒪᔪᒍᑦ 3HP ᐊᐅᓚᓂᖓ ᐊᑭᑭᓂᖅᓴᖅ 9H−ᒥᒃ. ᐊᑭᒋᔭᐅᔪᑦ ᐊᑉᐸᓯᓐᓂᖅᓴᐅᓯᒪᔪᑦ (US$628 vs US$924/ᐃᓄᒃ), ᐊᒻᒪᓗ ᐋᓐᓂᐊᖃᑦᑕᖅᑐᑦ ᐊᑉᐸᐹᓪᓕᖅᓯᒪᑦᓱᑎᒃ (20.14 vs 20.13 QALYs/ᐃᓄᒃ). ᕿᒥᕐᕈᑦᓱᒋᒃ 9H, ᐊᒻᒪᓗ 3HP ᐃᓅᓕᓴᐅᑏᑦ ᐊᑉᐸᐹᓪᓕᑎᑦᓯᓯᒪᔪᖅ ᐳᕙᓪᓗᑦᑐᑦ ᐊᒥᓲᓂᖏᓐᓂᒃ (27.89 vs 30.16/1000 ᐃᓄᐃᑦ) ᐃᓄᐃᓴᓐᓂᖅᓴᐅᓕᖅᓱᑎᓪᓗ ᐳᕙᓪᓗᓐᓇᕐᒧᑦ ᐃᓅᒍᓐᓃᖃᑦᑕᖅᑐᐃᑦ  (2.29 vs 2.48/1000 ᐃᓄᐃᑦ). 3HP−ᒥᒃ ᐱᔭᕇᕐᓂᖅ, ᐊᐅᓚᔾᔭᒋᐊᕈᑎᖃᕐᓂᖅ ᐊᒻᒪᓗ