3HP ᖃᐅᔨᓴᕐᓂᖅ ᐋᖅᑭᑦᓯᒪᓂᖓ ᓇᐃᓈᖅᓯᒪᔪᖅ
ᐃᓄᐃᑦ ᐊᒥᓲᓂᖅᐹᓂᒃ ᐳᕙᓪᓗᓕᖅᑐᖃᖃᑦᑕᖅᑐᑦ ᑕᑯᓐᓈᖅᓱᒋᑦ ᐊᓯᓕᒫᖏᑦ ᐃᓄᓖᑦ ᑲᓇᑕᒥ. ᖃᑦᓯᒐᓛᓂ ᓄᓇᓕᐸᐅᔭᕐᓂ ᑲᓇᑕᒥ, ᓄᑖᖅ ᓯᓂᑦᑐᒧᑦ ᐳᕙᓪᓗᓐᓇᕐᒧᑦ (LTBI) ᐊᑐᐃᓐᓇᐅᔪᖅ. ᓄᑖᖅ ᐃᓅᓕᓴᐅᑎ ᑲᑎᑎᑦᓯᓯᒪᔪᖅ rifapentine ᐊᒻᒪᓗ isoniazid ᑮᑕᑲᐃᓐᓇᓂᖅᓴᐅᑦᓱᓂ (ᐱᓱᐊᕈᓰᑦ 12−ᑐᐃᓐᓇᐃᑦ), ᐄᔭᐅᕙᑦᓱᓂ ᐱᓇᓱᐊᕈᓯᑕᒫᑦ ᐊᑕᓯᐅᖅᓱᓂ ᑕᑯᓐᓈᖅᓱᒋᑦ ᖃᐅᑕᒫᑦ ᐄᔭᐅᒋᐊᖃᖃᑦᑕᖅᓯᒪᔪᑦ ᑕᖅᑭᓄᑦ 9−ᓄᑦ. ᑖᓐᓇ ᐃᓅᓕᓴᐅᑎ ᑕᐃᔭᐅᔪᖅ 3HP. ᐅᕙᓂ ᖃᐅᔨᓴᕐᓂᕐᒥ, ᓴᖅᑮᒍᒪᓯᒪᔪᒍᑦ 3HP ᓈᒻᒪᒻᒪᖔᖅ ᐊᑦᑕᓇᖏᒻᒪᖔᕐᓗ ᐃᖃᓗᓐᓂ ᕿᑭᖅᑕᕐᔪᐊᕐᒥᓗ.
ᑕᒪᓐᓇ ᐊᑑᑎᔪᔭᕗᑦ ᖃᐅᔨᓴᕐᓂᖃᖅᓱᑕ ᐃᓄᓐᓂᒃ 247−ᓂᒃ ᒪᓂᒪᑎᑦᕕᐅᑦᓱᑎᒃ 3HP−ᒥᒃ (102 ᐃᖃᓗᓐᓂ ᐊᒻᒪᓗ 145 ᕿᑭᖅᑕᕐᔪᐊᕐᒥ). ᑖᒃᑯᓇᓂ ᐃᓄᓐᓂᒃ ᐃᓅᓕᓴᐅᑎᑐᓕᖅᓯᒪᔪᓂ, 82%−ᐸᓯᖏᑦ ᐃᖃᓗᓐᓂ ᐊᒻᒪᓗ 77% ᕿᑭᖅᑕᕐᔪᐊᕐᒥᐊᓂᒍᐃᓯᒪᔪᑦ ᐃᓅᓕᓴᐅᑎᓂᒃ. ᐊᒥᓲᓂᖅᓴᐃᑦ ᐱᔭᕇᔪᔪᑦ ᐃᓅᓕᓴᐅᑎᓂᒃ ᑕᑯᓐᓈᖅᓱᒋᑦ ᐃᓅᓕᓴᐃᓂᐅᒐᔪᑦᓯᒪᔪᖅ ᐄᓯᕙᑦᓱᑎᒃ ᖃᐅᑕᒫᑦ ᑕᖅᑭᓄᑦ 9−ᓄᑦ. ᐃᓚᖏᑦ ᐃᓄᐃᑦ ᐊᑦᑐᖅᑕᐅᓂᕐᓗᖃᑦᑕᖅᓯᒪᔪᑦ ᑕᐃᒪᐃᑦᑐᒥᒃ ᐃᓅᓕᓴᐅᑎᑐᖅᓱᑎᒃ, ᑭᓯᐊᓂ ᐊᑦᓱᐊᓘᓗᐊᙱᑦᑐᖅ ᐊᑦᑐᐃᓂᖃᖅᓯᒪᒐᓂᓗ ᖃᐅᑕᒫᑦ ᐃᓅᓯᖏᓐᓂ. ᖃᐅᔨᓯᒪᔪᒍᑦ ᑕᐃᒪᐃᑦᑐᒥᒃ ᐃᓅᓕᓴᐅᑎᑐᕐᓗᓂ, ᐱᐅᓂᖅᓴᖅ ᐃᒥᐊᓗᖃᑦᑕᖏᓪᓗᓂ ᐊᓯᖏᓐᓂᓘᓐᓃᑦ ᐄᔭᒐᖃᑦᑕᖏᓪᓗᓂ ᐊᑕᐅᓯᒃᑯᑦ. ᖃᐅᔨᓴᕐᓂᕐᒥᒃ ᖃᐅᔨᓯᒪᔪᒍᑦ 3HP ᓈᒻᒪᑦᑐᖅ ᐊᑦᑕᕐᓇᕋᓂᓗ ᐃᓅᓕᓴᐅᑎᐅᓗᓂ LTBI−ᒥᒃ ᓯᓂᑦᑐᒥᓪᓘᓐᓃᑦ ᐳᕙᓪᓗᓐᓇᕐᒥᒃ ᓄᓇᕗᒻᒥ.
